Dansespor - Norsk senter for folkemusikk og folkedans

Hjå Norsk senter for folkemusikk og folkedans kan du søke om støtte frå ordninga "Dansespor".

• Små dansespor: Opp til 15 000,-
• Store dansespor: 50 000,- - 200 000,-

Dansespor har eigne retningslinjer for sine støtteordningar, og det er berre dei som har delteke på samlingane i Dansespor som kan søke. Vi vil sterkt tilrå dykk til å delt på Dansespor sine samlingar. Dei har også ei flott verktøykasse som du kan sjå her.

Kva er Dansespor?

Ein møteplass for å bygge nettverk på eit nasjonalt nivå. Samlingane skal legge til rette for erfaringsutveksling kring gode, dagsaktuelle metodar innan formidling, prosjektarbeid og folkedansfaget generelt. Dette er samlingene dei tilbyr:

Temasamling (vårsemesteret) - for eldsjeler, formidlarar og tradisjonsutøvarar som brenn for folkedans. Tema rullerer frå år til år.

Nettverkssamling for regionale konsulentar (vårsemesteret) - for dei som jobbar med og for folkedansen, og har det som heile eller deler av si stilling. (intern innkalling - ta kontakt om du vil vite meir)

Eldsjelsamling (haustsemesteret) - for eldsjeler, formidlarar og tradisjonsutøvarar som brenn for folkedans. Her vil du få moglegheit til å lære meir om prosjektarbeid, og kanskje til og med utarbeide ditt eige prosjekt. Det vil også vere ulike inspirasjonsøkter innan folkedansformidling. På denne type samling er det viktig at du som deltager veit kvifor du er på samlinga, og for kven du deltek (deg sjølv eller laget?)

Mentorering - i samband med tilskotsordningane til Dansespor, kan det også søkast om mentorering. Då vil ein person (internt ved Sff eller eksternt) kunne følge prosjektet, og bidra med rettleiing/rådgjeving undervegs. Dette avtalast mellom Sff og søkar.